Erakunde publiko nahiz pribatuak gune zuzen eta justu bilakatu nahi ditu Olympia Berrik, erakunde horietan ari diren pertsonen garapen pertsonal eta profesionala ahalbidetzeko.
Herri administrazioei laguntzen diegu berdintasun printzipioa lehentasunezko eta zeharkako helburu gisa txertatu dezaten.
Erakunde bakoitzari egokitutako konponbideak ikertzen eta sortzen ditugu. Izan ere, bere bizipenak eta ezaugarriak dauzka erakunde eta pertsona bakoitzak.
Pertsonekin eta pertsonentzat lan egiten dugu. Berdintasun printzipioa maila guztietan aplikatuko duen gizartea sustatzeko eta sortzeko bidean pertsonak aldaketa eragileak garelako uste osoarekin.
Fokua berdintasunean jartzen duten zerbitzuak.
Berdintasunerako planak
Zeuk hala eskatzen baduzu, prozesu osoan zehar lagunduko dizugu: diagnostikoa eta berdintasunerako planaren diseinua, neurrien ezarpena eta jarraipena, berdintasunerako planaren ebaluazioa.
Berdintasunerako neurriak diseinatzeko eta garatzeko aholkularitza.
Aholkuak ematen dizkiegu erakundeei bere eremu guztietan genero ikuspegia eta berdintasun printzipioa aintzat hartuko dituzten neurri zehatzak diseinatzeko.
Genero zeharkakotasuna. Mainstreaming. Aurrekontu publikoak genero ikuspegiarekin lantzea.
Olympia Berrin gizarte justua eta zuzena dugunez helburu, halako euskarria eskaintzen diegu erakunde publikoei euren politika, ekintza eta prozeduretan genero ikuspegia txertatzeko prozesuan.
Formakuntza berdintasun arloan, erakunde publiko zein pribatuei zuzendua
hots, beren erakundeetan eta/edo zerbitzuetan, produktuetan edo sustatzen dituzten politiketan, berdintasun arloan sentsibilizatzea eta aldaketak sortzea eta bultzatzea bila dutenei.
Olympia Berriren bezeroak
10 urtetik gorako esperientzia dugu erakunde publikoekin zein pribatuekin, horratx gure bermea. Hona hemen Olympia Berrirengan uste osoa duten erakundeetako batzuk:
Eraberria Gunea, S.L. -ekin elkarlanean
Lagundu nahi dizugu Olympia Berrin. Hitz egingo dugu?
Jakin behar duzu harremanetarako formulario hau igorrita Raquel López Garcíaren (OLYMPIA BERRIA) jabetzako fitxategi automatizatu batean jasoko direla zure datuak, helburua zure kontsultei erantzutea baita; horretarako, zure baimena eman behar diguzu formularioa betetzean eta aurreko gelaxka markatuta. Eskaerari erantzun ondoren ezabatu egingo ditugu zure datuak. Sarbide, zuzenketa, ezeztapen eta aurkaritza eskubideak eta beste eskubide batzuk erabil ditzakezu info@olympiaberri. eus. helbidera mezu bat bidalita. Informazio gehiago webguneko Pribatutasun Politikan.
Ohiko galderak eta erantzunak
Zer da enpresa bateko emakumeen eta gizonen egoerari buruzko Diagnostikoa?
Berdintasun Plan bat egiteko aurretiazko eta ezinbesteko urratsa da emakumeen eta gizonen egoerari buruzko diagnostikoa.
Diagnostikoaren fasean askotariko informazio kuantitatiboa eta kualitatiboa biltzen da. 901/2020 Errege Dekretuaren 7. artikuluak finkatzen ditu nahitaez aztertu beharreko gaiak, baina gai gehiago izan daitezke.
Behin informazio guztia jasota, eta gaiari dagozkion adierazleen bitartez, emakumeentzako eta gizonentzako benetako berdintasun eragingarria lortzeko erakunde batean dauden desberdintasunak, aldeak, desabantailak, zailtasunak eta eragozpenak detektatzen dira.
Beraz, Berdintasun Planaren lehentasunak eta helburuak modu egokian finkatzeko oinarriak eskaintzen dizkigu diagnostikoak.
Eta Berdintasun Plana?
Egoeraren diagnosia egin ondoren hartutako neurri sorta antolatua da Berdintasunerako Plana, eta emakumeen eta gizonen arteko tratuan eta aukeretan berdintasuna iristea du xede, eta sexuaren ziozko diskriminazioa desagerraraztea.
901/2020 Errege Dekretuaren 8. artikuluak arautzen du Berdintasun Plan baten edukia, baita indarrean egoteko, jarraipena, ebaluazioa eta berrikuspena egiteko arauek ere. Era berean, araudi horren arabera, Berdintasun Plana nahitaez inskribatu behar da erregistro publiko batean (gaur egun REGCOMen).
Zer enpresak eduki behar dute, nahitaez, Berdintasun Plan bat?
Martxoaren 1eko 6/2019 Errege Dekretuaren arabera, plantillan 50 langile baino gehiago dituzten enpresa guztiek eduki behar dute, nahitaez, Berdintasun Plan bat. Halere, badira beste arrazoi batzuk ere enpresak neurri horiek jartzera behartzeko.
- Hitzarmen kolektibo aplikagarriak obligazio hori ezartzen duenean
- Lan agintaritzak, zehapen prozedura batean, zehapen osagarrien ordez plan hori egitea eta aplikatzea erabakitzen duenean
Zer onura ekartzen dizkio enpresa bati berdintasun plan bat egiteak?
Legez egiteko obligaziorik ez badago ere, berdintasun plana:
- Erakunde baten erantzukizun sozial korporatiboaren zati da.
- Hobetu egiten ditu lan giroa eta emakumeen eta gizonen lan baldintzak.
- Talentuari eusteko eta talentua erakartzeko faktorea da.
- Enpresa berritzaileekin, jasangarriekin eta emaitza hobeekin identifikatzen da.
- Enpresaren izen ona eta irudia hobetzen ditu.
